Taller de alimentación saludable de FSG Lugo [editar]

Dez participantes do programa de Promoción da Saúde na Comunidade Xitana realizan nun taller de alimentación saudable

Un total de dez persoas participantes do programa de Promoción da Saúde na Comunidade Xitana de Lugo asistiron a un taller de alimentación saudable, unha iniciativa orientada a mellorar os hábitos nutricionais e fomentar estilos de vida máis saudables.

O taller, enmarcado dentro das actividades do programa, tivo como finalidade principal sensibilizar sobre a importancia da alimentación na saúde e no benestar xeral. Ao longo da sesión, as persoas participantes puideron adquirir coñecementos básicos e prácticos para incorporar hábitos saudables na súa vida diaria.

Entre os obxectivos principais desta actividade destacan fomentar hábitos de alimentación saudable e equilibrada, así como identificar os principais grupos de alimentos e os seus beneficios para o organismo. Así mesmo, traballouse no recoñecemento da importancia dunha dieta variada, promovendo o consumo de alimentos naturais e nutritivos fronte a opcións menos saudables.

Outro dos eixos fundamentais do taller foi o desenvolvemento de habilidades para a planificación de comidas saudables, facilitando ferramentas prácticas que permitan ás familias organizar a súa alimentación de forma máis consciente e equilibrada. Ademais, incidiuse na relación directa entre alimentación, saúde e calidade de vida.

A actividade contou cunha metodoloxía participativa e dinámica, favorecendo o intercambio de experiencias e coñecementos entre as persoas asistentes, o que contribúe a reforzar a aprendizaxe e a súa aplicación no ámbito familiar e comunitario.

Este taller forma parte do compromiso continuo do programa de Promoción da Saúde na Comunidade Xitana por mellorar as condicións de saúde e benestar, mediante accións educativas que promovan a autonomía, a prevención e o coidado integral da saúde.

 

Programa de interese xeral con fins de carácter sociosanitario e cofinanciado pola Unión Europea no marco do Programa FSE+ Galicia 2021-2027, para realizar programas de saúde pública, no eido da promoción da saúde da poboación xitana, por entidades privadas sen ánimo de lucro que desenvolven o seu labor na Comunidade Autónoma de Galicia para os anos 2024 a 2027.