Sesións de bailoterapia do FSG Lugo [editar]

O programa de Promoción da Saúde na Comunidade Xitana en Lugo organiza un taller de “Bailoterapia: facemos deporte a través do baile”

Persoas participantes do programa de Promoción da Saúde na Comunidade Xitana asistiron a un taller de “Bailoterapia: facemos deporte a través do baile”, unha actividade orientada a promover hábitos de vida saudables mediante o exercicio físico e a expresión corporal.

Este taller, desenvolvido nun ambiente lúdico e participativo, combinou música e movemento como ferramentas para fomentar o benestar físico e emocional das persoas asistentes, favorecendo a adopción de estilos de vida máis activos.

Entre os principais obxectivos da actividade destacou a aprendizaxe de coñecementos básicos sobre habilidades motrices e o desenvolvemento do sentido do ritmo, contribuíndo a mellorar a coordinación e a conciencia corporal. Así mesmo, a práctica da bailoterapia permitiu reducir o estrés, a ansiedade e a tensión emocional, proporcionando un espazo de diversión e liberación emocional.

Outro dos aspectos clave do taller foi a promoción da actividade física como alternativa ao sedentarismo, fomentando hábitos máis activos a través dunha proposta accesible e motivadora para todas as persoas participantes.

A actividade desenvolveuse cunha metodoloxía dinámica e adaptada ao grupo, na que a música e o movemento favoreceron a participación activa e o traballo en equipo, creando un ambiente positivo e de cohesión social.

Con esta iniciativa, o programa de Promoción da Saúde na Comunidade Xitana continúa reforzando o seu compromiso coa mellora da saúde e da calidade de vida, promovendo accións educativas que integran o exercicio físico, o benestar emocional e a participación comunitaria.

 

Programa de interese xeral con fins de carácter sociosanitario e cofinanciado pola Unión Europea no marco do Programa FSE+ Galicia 2021-2027, para realizar programas de saúde pública, no eido da promoción da saúde da poboación xitana, por entidades privadas sen ánimo de lucro que desenvolven o seu labor na Comunidade Autónoma de Galicia para os anos 2024 a 2027.