Fundación Secretariado Gitano

“LECCIÓN XITANA”, unha exposición para contribuir ao coñecemento do pobo xitano [editar]

• Acción Institucional
• Galicia

“Lección Xitana” presenta unha historia de persecución e dor, pero tamén a resistencia, superación e dignidade, así como a contribución xitana ao patrimonio social e cultural común.

Fai uns mil anos os antigos xitanos saíron en diferentes etapas desde a India cara a Occidente. Tomaron diferentes roteiros que lles levaron a percorrer o que hoxe é Afganistán, Irán, Armenia e Turquía. Co paso do tempo establecéronse nos países de Centro Europa e de Europa Occidental. A súa orixe está infestado de lendas e mitos, debido á escaseza de fontes escritas. 

Desde a Fundación Secretariado Xitano buscamos que Lección Xitana permita cambiar a visión que se ten do pobo xitano e ofrecer unha mirada máis realista e xusta que combata estereotipos e prexuízos arraigados na sociedade e que permita construír cidadanía e loitar por un futuro compartido sen discriminación.

Con afán divulgativo, Lección Xitana quere dar a coñecer unha historia de persecución e dor, pero tamén de resistencia e achega: O incalculable legado cultural do Pobo Xitano ao patrimonio social e cultural común. 

En definitiva, trátase de construír unha sociedade máis intercultural e diversa, que promova a igualdade de dereitos de todos os cidadáns e cidadás e desterre a discriminación. A Lección Xitana é ese capítulo perdido dos nosos libros, esa parte da nosa historia común silenciada; eses nomes propios invisibilizados; as noticias que nunca se escoitaron; as anécdotas que nunca nos contaron. É a lección que nunca nos ensinaron.

Porque o coñecemento é o primeiro paso para construír cidadanía e loitar por un futuro compartido sen discriminación. O coñecemento sempre nos fai máis libres e iguais.

 

← VOLVER A LA PÁGINA PRINCIPAL DE ACTUALIDAD