O emprego é clave para garantir a igualdade de oportunidades. A maioría dos membros da comunidade xitana galega teñen seriamente limitadas as súas posibilidades de igualdade na participación social plena pola grande distancia que aínda lles separa da formación e o acceso aos empregos normalizados. Segundo dados do Estudo sobre A comunidade Xitana en Galicia 1990-2000, só o7,5% da poboación xitana galega traballaba por conta allea, despois do estudo realizado pola Fundación Secretariado Xitano no ano 2007 esta tasa sitúase neste momento nun 20%. O programa ACCEDER promove a inserción laboral da poboación xitana no mercado de traballo ordinario: conseguir empregos, impulsar unha vontade entre os xitanos e xitanas para se incorporar a este mercado, pór ao seu alcance ferramentas formativas, de orientación e acompañamento que o fagan posíbel e operar coas empresas e outros axentes sociais de Galicia para facilitar este cambio. OBXECTIVOS DO SEMINARIO: **Conseguir facer efectiva a igualdade de oportunidades da poboación xitana no acceso ó emprego e a formación para o emprego para conquerir a súa participación plena na sociedade. **Analizar e reflexionar sobre a importancia das políticas específicas para a consecución da plena normalización no mercado de traballo. INSCRIPCIÓNS E MÁIS INFORMACIÓN:Todas aquelas persoas interesadas en asistir a este Seminario poden solicitar máis información ó respecto no teléfono da FSX Vigo, preguntando por Pablo González: 986 260 255, ou dirixíndose por mail: pablo.gonzalez@gitanos.org O plazo de inscripción é do 1 ó 15 de Setembro. |
